Bashkia Gramsh – Shoqata e Bashkive te Shqiperise

BASHKIA GRAMSH


Qarku:
Elbasan


Qendër bashkie:
Qyteti i Gramshit


Sipërfaqja:
739.22 Km katrorë


Popullsia:
36305 banorë


Kryetar bashkie:
Luljeta Dollani


Numri i anëtarëve të këshillit bashkiak:
21


Njësitë administrative:
Gramsh, Pishaj, Kodovjat, Kukur, Kushovë, Lenie, Poroçan, Skënderbegas, Sult, Tunjë


Faqja zyrtare e internetit:
http://bashkiagramsh.gov.al/



PROFILI I BASHKISË


Bashkia e re Gramsh kufizohet në veri me bashkinë Elbasan, në lindje me bashkinë Pogradec, në jug-lindje me bashkinë Maliq, në jug me bashkinë Skrapar dhe në perëndim bashkitë Berat, Kuçovë dhe Cërrik. Kryeqendra e bashkisë është qyteti i Gramshit. Sipas Censusit të vitit 2011, bashkia e re numëron 24,231 banorë, ndërsa sipas Regjistrit Civil ajo numëron një popullsi prej 36.305 banorësh dhe densitet 49.11 banorë për km². Bashkia e re ka një sipërfaqe prej 739.22 km2. Kjo bashki përbëhet nga 10 njësi administrative. Bashkia e re ka nën administrimin e saj një qytet dhe 94 fshatra. Bashkia e Gramshit shtrihet në një territor shumë malor në Shqipërinë qendrore, ku toka bujqësore është e paktë (rreth 14 për qind e sipërfaqes) ndërsa pjesa tjetër e territorit është zonë pyjore ose kullotë. Qendra e bashkisë së re, Gramshi, u shpall qytet në vitin 1960 si një qendër e agroindustrisë dhe e industrisë ushtarake Mundësitë për turizëm natyror në Gramsh janë të shumta, si Ujëvara e Sotirës, Uji i Ftohtë më malin e Lenies, liqeni i Dushkut, Pishat e Grabovës, liqenet në malin e Rovjes, Shpellat në malin e Poroçanit, kalaja e Tunjës Irmanjit dhe padyshim liqeni artificial i Banjës etj. Qyteti i Gramshit numëron rreth 300 biznese të regjistruara, shumica prej të cilave biznese të vogla tregtare dhe shërbimesh.